Партия фаолияти

• 2005-04-18 Ҳурматли меҳмонлар!

  Сайтимизни баъзи бўлимларига кириш учун регистрациядан ўтиш керак. Регистрациядан ўтганлар, бу бўлимларига қўшимчалар киритиш, мақолалар жўнатиш ва форумда қатнашиш имкониятига эга бўладилар.
  
  Шунингдек, «Медиа» бўлимида ўзбек ҳофизларининг куй ва қўшиқлари қуйилган. Уларни ўз компьютерингизга юклаб олишингиз мумкин. Бу бўлимни тез тез янги асарлар билан тўлатиб турамиз. Қўшиқлардан ташқари, ўзбек шоирлари томонидан ўқилган шеърлар, мухолифат тарихига оид видео файллар хам қуйилади.
  
  «Ким Кимдир?» бўлимида Ўзбекистон сиёсий ҳаётида турли шакл ва даражада қатнашган хамда қатнашаётган кишиларнинг фотосуратлари, уларнинг ҳаётига оид лавҳалар бор. Бу бўлим, табиий, кенгайиб боради. Регистрациядан ўтган меҳмонлар, агар уларда бу бўлимга қўшимчалар, хусусан, фотосуратлар бўлса, уларни ўзлари сайтга қўшиб қўйиш имкониятига эга бўладилар.
  
  «Ўзбекни ўзи қизиқ, гапи ундан хам қизиқ» деган нақлга риоя қилган холда, «Сиёсий латифалар» бўлимини ташкил қилдик. Регистрациядан ўтган меҳмонларга бу бўлимга янги латифалар қўшиб қўйиш имконияти берилади.
  
  Хуллас, меҳмонларимизни бу сайт фаолиятида актив қатнашишга чақирамиз!
  
  Кучимиз, имконларимиз ва илҳомимизни миллатнинг ҳуррияти учун сарфлайлик!
  
  Озод ва демократик Ўзбекистон учун биргаликда харакат қилайлик!
  
  Зеро, Биздан харакат, Оллоҳдан баракат.